“Uzbekistan airways”da yangi yo‘nalish ochildi
21-maydan boshlab Batumiga parvozlar amalga oshiriladi.
Joriy yilning 21-maydan boshlab “Uzbekistan airways” Toshkent–Batumi–Toshkent xalqaro yo‘nalishi bo‘yicha mavsumiy parvozlarni amalga oshiradi. Bu haqda aviakompaniya matbuot xizmati xabar qildi.
Qayd etilishicha, Toshkentdan kurort shahriga aviaqatnovlar haftasiga ikki marta – chorshanba va shanba kunlari amalga oshiriladi.
Bundan oldin “Uzbekistan airways” AJ Namangan–Olmaota–Namangan yangi xalqaro yo‘nalishi bo‘yicha muntazam aviaqatnovlarni yo‘lga qo‘yishini ma’lum qilgandi.
