Toshkentda SHHTga aʼzo davlatlarning sport vazirlari yig‘ilishi boshlandi
Tadbirda SHHT Bosh kotibi Chjan Min ishtirok qilmoqda.
O‘zbekiston Respublikasi raisligida SHHTga aʼzo davlatlarning sport vazirlari yig‘ilishi o‘z ishini boshlandi. Bu haqda TIV xabar bermoqda. Mazkur yig‘ilishda zamonaviy sharoitida sportni rivojlantirish bo‘yicha hamkorlikni yana-da rivojlantirish masalalari, sport anjomlari, kiyim-kechak va texnikalarini birgalikda ishlab chiqarish bo‘yicha qo‘shma loyihalarini amalga oshirish istiqbollari ko‘rib chiqiladi.
Shuningdek, kun tartibida SHHTga aʼzo davlatlarning vakolatli organlari o‘rtasida jismoniy tarbiya va sport sohasida hamkorlik to‘g‘risidagi 2022-2024 yillarga mo‘ljallangan kelishuvni amalga oshirish bo‘yicha Harakatlar rejasini tasdiqlash ko‘zda tutilgan.
Uchrashuv yakunlari bo‘yicha Protokol imzolanishi rejalashtirilgan.
