Turkmaniston xalqaro aviareyslarni tiklamoqchi
Bu bo‘yicha Serdar Berdimuhammedov topshiriq bergan.
Turkmanistonda tez orada xalqaro aviareyslar tiklanadi. Bu haqda mamlakat prezidenti Serdar Berdimuhammedov maʼlum qildi.
U bu haqda vazirlar mahkamasi yig‘ilishida aytib o‘tgan. Berdimuhammedov dunyoda koronavirusning yangi turlari bilan kasallanish kamayganini va ko‘p davlatlar aviareyslarni tiklaganini qayd etdi.
Bundan oldin 1 iyundan boshlab Ashxobod-Dubay va Ashxobod-Qozon yo‘nalishlarida muntazam qatnovlar tiklangandi. Ular haftada bir marta amalga oshiriladi.
Avvalroq Turkmaniston Afg‘onistonga temiryo‘lchilar jo‘natgandi.
