Toshkentdan Andijonga uchgan samolyotda nosozlik kuzatildi
Shundan so‘ng parvoz yo‘nalishi o‘zgartirilgan.
Bugun, 12-avgust kuni Toshkent – Andijon – Toshkent yo‘nalishidagi HY-091/092 reyslari Boyeing 757 havo kemasining texnik nosozligi sababli belgilangan yo‘nalish bo‘yicha parvozni amalga oshira olmadi. “Uzbekistan Airways” AJ Axborot xizmati holat bo‘yicha rasmiy xabar e’lon qildi.
Ma’lum qilinishicha, Andijon xalqaro aeroporti Airbus A321neo (LR) havo kemasini qabul qilish imkoniyati yo‘qligi sababli parvoz Toshkent – Namangan – Toshkent yo‘nalishiga o‘zgartirilgan.
“Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz”, — deyiladi xabarda.
