Shavkat Mirziyoyev tashrif buyurgan muzey haqida nimalarni bilasiz?
Ayni paytda Prezident rasmiy tashrif bilan Saudiya Arabistonida bo‘lib turibdi.
O‘zbekiston Respublikasi Prezidenti Shavkat Mirziyoyev bugun Musulmon olami ligasi nazoratidagi Payg‘ambar hayoti va Islom sivilizatsiyasi xalqaro ko‘rgazmasi va muzeyiga ham tashrif buyurdi. Mazkur muzey Musulmonlar Dunyosi Ligasi (MWL) nazoratida ostidagi Islom muzeylarining birinchisidir.
Madinadagi Payg‘ambarlar jome masjidi yonida joylashgan muzey 24 soat davomida ochiq bo‘lib, Islom olami tarixi va Payg‘ambar Muhammad (s.a.v.) hayotiga bag‘ishlangan.
Ko‘rgazmada o‘nlab rasmlar va interaktiv displeylar mavjud. Ayni paytda tashrif buyuruvchilar uchun yetti — arab, ingliz, ispan, urdu, fransuz, turk va indonez til mavjud. Shuningdek, bu yerda 4DX teatri ham bor. Unda Payg‘ambar hayoti haqida bir qator filmlar namoyish etiladi.
Ko‘rgazmadagi 25 ta pavilondan biri Islomdagi ayollar tarixiga bag‘ishlangan bo‘lib, haqiqat va ezgulik to‘g‘risida xabar beradi. Pavilon, shuningdek, bolalarning Payg‘ambar hayotidagi ahamiyatini ham yoritib beradi. Ular bilan qanday o‘ynagani va ularni qanday qilib eng yaxshi tarzda tarbiyalash borasida bergan maslahatlari haqida hikoya qiladi.
Boshqa bir pavilonda 3D, virtual reallik va kengaytirilgan reallik texnologiyalari Payg‘ambarning shaxsiy narsalarini, shu jumladan, mebellari, kiyimlari, poyabzallari va hatto taroqlarining tafsilotlarini qayta qurish va tavsiflash uchun ishlatiladi.
Boshqa bir pavilon Allohning 99 ismiga bag‘ishlangan bo‘lib, unda har bir ism nimani anglatishini va uning insoniyat bilan bog‘liqligini tushuntiradi. Xuddi shu pavilonda kosmosga bag‘ishlangan eksponatlar, turli xil astronomik obyektlarning Islom va insoniyat bilan aloqadorligidan so‘zlaydi. Shuningdek Yerning geografiyasiga bag‘ishlangan ko‘rgazmalar bor.
Boshqa bir pavilon boshqa payg‘ambarlarning hayotiga bag‘ishlangan bo‘lib, ularning xususiyatlarini Qurʼon va Sunnatda bayon qilinganidek, ularning hayotlari haqida qisqacha maʼlumot beradi. Bu yerda siz payg‘ambarimiz Muhammad alayhissalomning tug‘ilishidan to o‘limigacha bo‘lgan hayotidagi eng muhim voqealarni ko‘rib chiqishingiz mumkin. Bu interaktiv ekranlardan foydalangan holda, 1 400 yil oldin hayot paytida Makka va Madinaga tashrif buyuruvchilarni qaytarib beradi.
Maʼlumot o‘rnida: Muzey ikki qavat bo‘lib, 5000 kvadrat metrni tashkil etadi. Bu yerdagi 25 ta asosiy pavilon Muhammad alayhissalom va boshqa payg‘ambar hayotini aks ettiradi. Shuningdek, tashrif buyuruvchilar Payg‘ambarimiz davridan meros bo‘lib qolgan 500 ta qadimiy buyumlarni tomosha qilish mumkin.
Eslatib o‘tamiz, Shavkat Mirziyoyev Saudiya Arabistoniga jo‘nab ketgani, Madinai munavvaraga yetib borib, tashrifini boshlagani, Prezident Masjidun Nabaviyda namoz o‘qigani va Payg‘ambar alayhissalom qabrini ziyorat qilgani haqida xabar berilgandi.
