Urganchdan Milanga ilk muntazam reys amalga oshirildi
Aviakompaniya yo‘nalishdagi parvoz vaqtlarini ma’lum qildi.
Urganch — Milan — Toshkent yo‘nalishi bo‘yicha to‘g‘ridan-to‘g‘ri reyslar yo‘lga qo‘yildi, deya xabar bermoqda “Uzbekistan Airports”.
Bugun, 19-avgust kuni mahalliy vaqt bilan soat 15:48 da samolyot Urganch xalqaro ayeroportidan Milanga uchgan. 227 nafar yo‘lovchisi bo‘lgan “O‘zbekiston havo yo‘llari” milliy aviakompaniyasining Boeing-767 samolyoti Milan-Malpensa aeroportiga yetib borgan.
“Urganchdan Milanga muntazam reyslar juma kunlari amalga oshiriladi. Shanba kunlari esa Milandan Toshkentga qaytish reyslari rejalashtirilgan”, — deyiladi xabarda.
Eslatib o‘tamiz, Milan va Toshkent o‘rtasidagi aviaqatnovlar ilk bor 2007-yilda boshlangan va 2019-yiga kelib pandemiya sababli to‘xtatilgandi.
