Stoltenberg Ukrainani og‘ir qishdan ogohlantirdi
Shuningdek, Kiyevni qo‘llab-quvvatlashni davom ettirishga vaʼda berilgan.
NATO Ukraina bilan hamkorlikka sodiq qoladi. Bu haqda alyans bosh kotibi Yens Stoltenberg "Qrim platformasi" sammitidagi chiqishida maʼlum qildi.
"Biz Ukrainaning NATO standartlariga o‘tishga yordam berdik. Qish og‘ir bo‘ladi, ko‘ryapmizki, urush cho‘ziladi. Bu sabr kurashi, logistika kurashi, shu sababli biz Ukrainani bundan buyon ham qo‘llab-quvvatlashimiz kerak. Kuchli va barqaror Ukraina Yevroatlantika xavfsizligi garovi. Biz Kiyev bilan qancha bo‘lsa, shuncha birga bo‘lishga tayyormiz", — degan u.
Sammitda nutqqa chiqqan Boris Jonson 2014 yilda G‘arbga Qrim anneksiyasini oldini olish uchun jasorat yetishmaganini aytdi.
Avvalroq Germaniya kansleri Putin bilan uchrashuvda Ukrainani NATOga qabul qilmaslikka vaʼda bergani ochiqlangandi.
