Siyosat

Shavkat Mirziyoyev Germaniya Prezidenti bilan telefonlashdi

Muloqotda Yevropa Ittifoqi doirasidagi muloqotni rivojlantirish masalalari ko‘rib chiqilgan.

Shavkat Mirziyoyev Germaniya Prezidenti bilan telefonlashdi

 

Bugun, 29-avgust kui O‘zbekiston Respublikasi Prezidenti Shavkat Mirziyoyev Germaniya Federativ Respublikasi Prezidenti Frank-Valter Shtaynmayer bilan telefon orqali muloqot qildi. Bu haqda Prezident matbuot xizmati xabar bermoqda.

 

Suhbatda ko‘p qirrali O‘zbekiston-Germaniya hamkorligini yanada rivojlantirish hamda mintaqaviy sheriklikning dolzarb masalalari ko‘rib chiqilgan.

 

Germaniya Prezidenti davlat rahbari va ko‘p millatli o‘zbek xalqini mamlakat mustaqilligining 31 yilligi bilan samimiy qutladi. Keyingi yillarda amalga oshirilayotgan islohotlar dasturining natijalari alohida qayd etildi, Yangi O‘zbekistonda amalga oshirilayotgan demokratik va iqtisodiy yangilanishlar qo‘llab-quvvatlandi.

 

Yetakchilar oliy darajadagi kelishuvlarni amalga oshirish natijasida ikki tomonlama munosabatlarda yuksak darajaga erishilganini mamnuniyat bilan qayd etdi.

 

Joriy yil boshida o‘zaro tovar ayirboshlash 60 foizga o‘sdi. O‘zbekistonda Germaniyaning 200 dan ziyod yetakchi kompaniyalari muvaffaqiyatli faoliyat yuritmoqda. O‘tgan oyda “Knauf”, “Papenburg” va “Falk Porsche” kabi taniqli korxonalar O‘zbekistonda o‘zlarining yangi zavodlarini ishga tushirdi.

 

Shu yilning iyul oyida Germaniya biznesining 100 dan ortiq vakillari ishtirokida o‘tgan O‘zbekiston-Germaniya ishbilarmonlar kengashining navbatdagi yig‘ilishidan so‘ng iqtisodiyotning yuqori texnologik tarmoqlarida 24 ta yangi investisiya loyihalarini tayyorlash va amalga oshirish boshlandi.

 

O‘zaro manfaatli moliyaviy-texnik va madaniy gumanitar hamkorlik kengayib bormoqda. O‘zbekistonda Gyote instituti, Konrad Adenauer va Fridrix Ebert fondlari, Germaniyaning boshqa tashkilotlari faol ish olib bormoqda.

 

O‘zbekiston va Germaniya Prezidentlari amaliy hamkorlikning kengayishi, shuningdek, uzoq muddatli sheriklikni rivojlantirishga qaratilgan qo‘shma dastur va loyihalarning ilgari surilishini qo‘llab-quvvatladi.

 

Mintaqaviy hamkorlik, shu jumladan, Yevropa Ittifoqi doirasidagi konstruktiv muloqotni rivojlantirish masalalariga alohida e’tibor qaratildi. Afg‘onistonda uzoq muddatli tinchlikni ta’minlash va uning ijtimoiy-iqtisodiy tiklanishiga ko‘maklashish maqsadida faol hamkorlikni davom ettirish muhim ekani ta’kidlandi.

 

O‘zbekiston va Germaniya Prezidentlarining telefon orqali muloqoti har doimgidek samimiy, ochiq va do‘stona ruhda o‘tdi.

 

O‘zbekiston–Turkiya hamkorligi kengayadi: 2030-yilga borib 175 tonna oltin qazib olishni rejalashtirmoqda

O‘zbekiston–Turkiya hamkorligi kengayadi: 2030-yilga borib 175 tonna oltin qazib olishni rejalashtirmoqda

Turkiya kompaniyalari misni qayta ishlash, elektronika, transformatorlar va maishiy texnika ishlab chiqarish bo‘yicha hamkorlikka taklif etildi.

Buxoro turizmiga xalqaro brendlar jalb etilishi mumkin: Saida Mirziyoyeva uchrashuv o‘tkazdi

Buxoro turizmiga xalqaro brendlar jalb etilishi mumkin: Saida Mirziyoyeva uchrashuv o‘tkazdi

O‘zbekiston tarixiy merosga ehtiyotkorona yondashadigan xalqaro brendlar bilan hamkorlik qilishga ochiq ekani ta’kidlandi.

Shavkat Mirziyoyev va O‘mon Sultoni Masqatda muzokara o‘tkazdi

Shavkat Mirziyoyev va O‘mon Sultoni Masqatda muzokara o‘tkazdi

Ikki davlat rahbarlari oliy darajadagi kelishuvlar ijrosi uchun “yo‘l xaritasi”ni qabul qilish va Muvofiqlashtiruvchi kengash tuzishga kelishib oldi.

Shavkat Mirziyoyev davlat tashrifi bilan O‘monga jo‘nab ketdi

Shavkat Mirziyoyev davlat tashrifi bilan O‘monga jo‘nab ketdi

Tashrif doirasida Masqat shahrida oliy darajadagi muzokaralar, yirik kompaniyalar rahbarlari bilan uchrashuvlar va boshqa qo‘shma tadbirlar o‘tkaziladi.

Ziroat Mirziyoyeva “Nol chiqindi” Global alyansini tashkil etishga bag‘ishlangan uchrashuvda ishtirok etdi

Ziroat Mirziyoyeva “Nol chiqindi” Global alyansini tashkil etishga bag‘ishlangan uchrashuvda ishtirok etdi

O‘zbekiston Birinchi xonimi alyans doirasida ekologik ta’limni rivojlantirish va yoshlarning ekologik loyihalarini qo‘llab-quvvatlash tashabbuslarini ilgari surdi.

Ziroat Mirziyoyeva COP31 doirasida O‘zbekiston milliy pavilyoniga tashrif buyurdi

Ziroat Mirziyoyeva COP31 doirasida O‘zbekiston milliy pavilyoniga tashrif buyurdi

Pavilyonda “Zamin” fondining “Eco-Schools Uzbekistan” loyihasi doirasida uzluksiz ekologik ta’lim tizimi taqdim etildi.

Shavkat Mirziyoyev Finlyandiya prezidenti bilan uchrashdi

Shavkat Mirziyoyev Finlyandiya prezidenti bilan uchrashdi

Uchrashuvda tomonlar o'rtasidagi metallurgiya, energetika, geologiya, ekologiya hamda suv resurslari sohalaridagi hamkorlikni kengaytirish masalalarini ko‘rib chiqildi.

Shavkat Mirziyoyev Turkiy davlatlar tashkilotining yangi bosh kotibini qabul qildi

Shavkat Mirziyoyev Turkiy davlatlar tashkilotining yangi bosh kotibini qabul qildi

Tomonlar 2027-yilda O‘zbekistonda o‘tkazilishi rejalashtirilgan TDT sammitiga tayyorgarlik masalalarini ko‘rib chiqdi.