Toshkentdan Termizga uchgan samolyot manziliga yetib borolmadi
Bunga ob-havo noqulayligi sabab bo‘lgan.
Bugun, 11-sentabr kuni Toshkent – Termiz yo‘nalishida parvozni amalga oshirayotgan samolyot Buxoro aeroportiga qo‘nishga majbur bo‘ldi. Holat yuzasidan “Uzbekistan Airways” AJ axborot xizmati rasmiy munosabat bildirdi.
Qayd etilishicha, HY-065 Toshkent – Termiz yo‘nalishi bo‘yicha aviaqatnovi Termiz shahridagi ob-havo sharoiti (kuchli qum shamoli) tufayli o‘z yo‘nalishini o‘zgartirgan va havo kemasi Buxoro xalqaro aeroportiga qo‘ngan.
Hozirda 124 nafar yo‘lovchi Buxoro xalqaro aeroportida bo‘lib turibdi. Termiz shahrida ob-havo o‘zgarishi bilan HY-065 aviaqatnovi belgilangan yo‘nalish bo‘yicha amalga oshiriladi.
“Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz”, — deyiladi xabarda.
