Frankfurt–Toshkent yo‘nalishida samolyot parvozi bekor qilindi
Yuzaga kelgan holat bo‘yicha aviakompaniya izoh berdi.
Bugun, 15 sentyabr kuni rejalashtirilgan HY-232 Frankfurt–Toshkent yo‘nalishi bo‘yicha aviaqatnov havo kemasida vujudga kelgan texnik nosozlik tufayli bekor qilindi. Bu haqda “Uzbekistan Airways” AJ Axborot xizmati ma’lum qildi.
Qayd etilishicha, hozirda barcha yo‘lovchilar Frankfurt shahridagi mehmonxonaga joylashtirilgan. Ushbu holat yuzasidan qo‘shimcha ma’lumot taqdim etiladi.
“Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz, shuningdek, yuzaga kelgan vaziyatni to‘g‘ri tushunishingizni so‘rab qolamiz”, – deyiladi xabarda.
