Seuldagi Hellouin bayramida 1 nafar o‘zbekistonlik vafot etdi
Umumiy qurbonlar soni 150 dan oshgan.
Avvalroq Janubiy Koreya poytaxti Seul shahrida Hellouin bayrami vaqtida yuzaga kelgan tiqilinch sabab odamlar ommaviy ravishda bo‘g‘ila boshlagani va 50 kishining yuragi to‘xtab qolgani xabar qilingandi.
So‘nggi ma’lumotlarga ko‘ra, fojia oqibatida halok bo‘lganlar soni 151 taga yetgan. Ularning aksariyati taxminan 20 yoshda bo‘lgan, qurbonlar orasida chet el fuqarolari ham bor.
“Yonhap” agentligi 19 nafar xorijlik fuqaro halok bo‘lgani haqida yozmoqda. O‘zbekistonning Janubiy Koreyadagi elchixonasi bir nafar O‘zbekiston fuqarosi vafot etganini ma’lum qildi.
