Germaniya va Norvegiya NATO muhim taklif bilan chiqdi
Alyans bosh kotibi bu tashabbusni qo‘llab-quvvatlagan.
Germaniya kansleri Olaf Shols va Norvegiya bosh vaziri Yonas Gar Store “Shimoliy oqim” voqealari munosabati bilan NATOdan Yevropaning suvosti infratuzilmasini himoya qilishni muvofiqlashtirishni so‘radi.
“Biz muhim infratuzilmamiz himoyasiga juda jiddiy yondashamiz va hech kim hujumlar oqibasiz qoladi deb o‘ylamasligi kerak. Quvurlar, telefon kabellari, internet aloqalari davlatlarimiz uchun hayotiy ahamiyatga ega, ular himoya qilinishi kerak”, — deb ta’kidladi Shols.
Germaniya kansleri Rossiya uglevodorodlari rad etilganidan keyin Norvegiya Yevropaning energiya xavfsizligini ta’minlashda muhim rol o‘ynashini, shuning uchun suvosti quvurlari xavfsizligini ta’minlash muhim ahamiyatga ega ekanligini eslatdi.
NATO Bosh kotibi Yens Stoltenberg Berlin va Osloning taklifini olqishladi.
“Biz yaqinda “Shimoliy oqim” quvurlariga qilingan sabotajdan keyin sa’y-harakatlarimizni kuchaytirdik. Dengiz xavfsiz bo‘lishini ta’minlash uchun ko‘proq harakat qilish muhim", — dedi u.
