0
Shirinliklar ortiga yashirilgan 114 millionlik pirotexnika
Qarshida noqonuniy ravishda olib ketilayotgan paqildoqlar ushlab qolindi.
Qarshi shahar hududida xizmat olib borayotgan YPX va boshqa sohaviy xizmat xodimlari hamkorligidagi tekshiruvlar davomida haydovchi U.A. boshqaruvidagi “Isuzi” rusumli yuk avtomobili to‘xtatilib, xolis va guvohlar ishtirokida tekshirilgan.
Yukxonada shirinliklar ortiga xufyona tarzda yashirilgan, qiymati 114 million 240 ming so‘mlik jami 403 200 dona pirotexnika vositalarini qonunga zid ravishda olib ketayotganlik holati aniqlandi.
Hozirda mazkur pirotexnika vositalari ashyoviy dalil sifatida olinib, holat yuzasidan surishtiruv harakatlari davom ettirilmoqda.
