UzAuto Motors yangilangan Captiva va Cadillac sotuvini yo‘lga qo‘yadi
Kompaniyaning yaqin kelajakdagi rejalari eʼlon qilindi.
UzAuto Motors taqdim qilgan maʼlumotlar 2023-yildan boshlab Captiva va Cadillac importi yo‘lga qo‘yilishini ko‘rsatdi. Ishlab chiqarilishi to‘xtatilayotgan Nexia-3 va Spark o‘rniga boshqa byudjet modellar sotuvi cheklanadi. Faqatgina 2026-yildan yangi Chevrolet modelini ishlab chiqarish boshlanishi belgilangan, biroq aynan qaysi model ekani nomaʼlum.
Qayd etilishicha, kompaniya joriy yil oxiridan Nexia-3 va Spark, 2023 yilning oxiridan esa Lacetti-Gentra avtomobillarini ishlab chiqarishni to‘xtatadi.
Maʼlum bo‘lishicha, yaqin yillar ichida Nexia-3 va Spark o‘rniga boshqa byudjet modellar ishlab chiqarish yo‘lga qo‘yilmaydi.
Hisobot joriy yilning oxiridan boshlab Trailblazer savdosi ham to‘xtatilishini, keyingi yilning oxiridan yangilangan Equinox, 2024 yil o‘rtalaridan esa yangilangan Traverse sotuvlari boshlanishini ko‘rsatmoqda.
Maʼlumot o‘rnida, 2024-yildan boshlab O‘zbekistonda ham Cobaltʼning yangilangan versiyasi ishlab chiqarilishi mumkin.
