Qozog‘iston “Mir” kartalari orqali pul operatsiyalariga ruxsat oldi
AQSH moliya vazirligi bu bo‘yicha tegishli so‘rov olgan.
Qozog‘iston banklariga Rossiyaning “Mir” kartalari orqali to‘lovlar va o‘tkazmalarni qabul qilishga ruxsat berildi.
"AQSH Moliya vazirligining chet el aktivlarini nazorat qilish bo‘yicha boshqarmasi Rossiyadan Qozog‘istonga ko‘chib o‘tgan fuqarolarning “Mir” karta tizimidan foydalanishiga qarshilik qilmaydi", — deb yozilgan idoradan kelgan maktubda.
Ammo Rossiyaga qarshi sanksiyalarni aylanib o‘tishga yo‘l qo‘ymaslik maqsadida barcha pul operatsiyalari nazorat qilinadi.
Qozog‘iston banklari “Mir” tizimiga ulanish haqida mustaqil qaror qabul qilishi mumkin.
Eslatib o‘tamiz, AQSHning ikkilamchi sanksiyalari xavfi fonida qator davlatlarda Rossiyaning “Mir” kartalaridan foydalanish to‘xtatilgan edi.
