Bloomberg: Yevropa uchun Rossiya gazidan arzon gaz yo‘q
Moskva YеI energetika bozoridagi mavqeini tiklashi taxmin qilindi.
Rossiyada yana Yevropaning eng yirik gaz yetkazib beruvchisiga aylanish imkoniyati bor. Bu haqda Bloomberg agentligi tahlilchisi Xavyer Blas taxmin qildi.
“Yevropa yetakchilari Ukraina inqirozidan keyin odatiy tartibga qaytmaslik haqida qancha vaʼda bermasin, geografik va bozor realligi eng qatʼiyatli siyosatchilarning ham fikrini o‘zgartirishi mumkin”, – degan ekspert.
U Saksoniya federal o‘lkasi bosh vaziri Mixael Krechmerning so‘zlarini misol qilib keltirgan. Krechmer o‘tgan oyda “rus gazidan voz kechish —tarixni bilmaslik va geosiyosiy xato” deb atagandi.
Blasning qayd etishicha, hozirda Berlin 1 megavatt soat gaz uchun 140 yevro to‘lamoqda, bu 2014-2020 yilga shu ko‘rsatkichga nisbatan 7 barobarga ko‘p.
“Agar Yevroittifoq kimyo, oziq-ovqat va og‘ir sanoatda raqobatbardoshligini saqlab qolishni istasa, unga arzon gaz zarur. Yevropa uchun Rossiya gazidan arzon xomashyo yo‘q”, – deb taʼkidlagan ekspert.
Ukrainada qurolli mojaro boshlangach, Yevropa Rossiyadan gaz sotib olishni kamaytirdi. Keyinchalik yetkazib berish deyarli to‘xtab qoldi. Hozirda faqat Turkiya va Ukraina orqali kam miqdorda “moviy olov” yetkazib berilmoqda.
