Toshkentda sim yog‘ochdagi elektr simlari yonib ketdi
Ayni vaqtda tezkor guruh ishchi-xodimlari tomonidan yong‘in bartaraf etilgan.
Bugun, 15-dekabr kuni Toshkent shahar Yakkasaroy tumani Muqimiy MFY hududidan o‘tgan elektr uzatish havo tarmog‘idagi kabel yonib ketdi.
Unga ko'ra, Yakkasaroy tumani Muqumiy ko‘chasidagi aholi yashash xonadonlarini elektr energiyasi bilan taʼminlovchi havo elektr uzatish tarmog‘ida yuklamaning ortib ketishi natijasida simlarning qisqa tutashuvida kichik yong‘in sodir bo‘lgan.
“Havo haroratining keskin sovib ketishi natijasida gaz bosimining pasayib ketdi. Natijada elektr energiyasiga bo‘lgan talab ortib joylardagi mavjud past kuchlanishli elektr uzatish tarmoqlarida avariyali uzilish holatlari yuzaga kelmoqda”, deyiladi xabarda.
Ayni vaqtda Yakkasaroy TETKning tezkor guruh ishchi-xodimlari tomonidan avariyani tezkorlik bilan bartaraf etish uchun barcha zarur choralar ko‘rilgan. Unga ko‘ra, hududlarda tezkor chiqish brigadalari tomonidan taʼmirlash ishlari olib borilib, avariya holati bartaraf etilmoqda.
