O‘zbekiston va Qozog‘iston Xalqaro sanoat kooperatsiyasi markazini tashkil etadi
Bu haqda O‘zbekiston bosh vaziri o‘rinbosari – investitsiyalar va tashqi savdo vaziri Jamshid Xo‘jayev O‘zbekiston va Qozog‘iston tadbirkorlari biznes-forumida maʼlum qildi.
Bu haqda O‘zbekiston bosh vaziri o‘rinbosari – investitsiyalar va tashqi savdo vaziri Jamshid Xo‘jayev O‘zbekiston va Qozog‘iston tadbirkorlari biznes-forumida maʼlum qildi.
Xo‘jayevning qayd etishicha, O‘zbekiston va Qozog‘istonning qiyosiy ustunliklari asosida yuqori texnologiyali ishlab chiqarishlarni yaratish bo‘yicha saʼy-harakatlarni birlashtirish, uchinchi davlat bozorlarini kelgusida birgalikda o‘zlashtirish maqsadida yuqori qo‘shimcha qiymatga ega mahsulotlar ishlab chiqarish bo‘yicha sanoat kooperatsiyasini rivojlantirish alohida ahamiyatga ega.
“Shu munosabat bilan ertaga qozog‘istonlik hamkasblarimiz bilan Xalqaro sanoat kooperatsiyasi markazini tashkil etish bo‘yicha shartnoma imzolaymiz”, — deydi vazir.
Uning qo‘shimcha qilishicha, avtomobilsozlik, elektronika va elektrotexnika, energetika, farmatsevtika, kimyo va to‘qimachilik sanoati, qurilish materiallari ishlab chiqarish O‘zbekiston va Qozog‘iston o‘rtasidagi hamkorlikning istiqbolli yo‘nalishlaridan faqat bir nechtasi.
Eslatib o‘tamiz, Toshkentda O‘zbekiston va Qozog‘iston tadbirkorlari o‘rtasida biznes-forum bo‘lib o‘tmoqda.
