“Azimut” aviakompaniyasi Sochidan Buxoroga yangi reysni yo‘lga qo‘ydi
Sochi — Buxoro — Sochi yo‘nalishidagi charter reyslar yakshanba kunlari amalga oshirilishi rejalashtirilgan.
Rossiyaning “Azimut” aviakompaniyasi Sochidan Buxoroga yangi reysni yo‘lga qo‘ydi. Bu haqda “Uzbekistan Airports” xabar qildi.
Aviakompaniyaning Sochidan uchgan samolyoti 30 yanvar kuni mahalliy vaqt bilan soat 00:40 da Buxoro aeroportiga kelib qo‘ngan.
Sochi — Buxoro — Sochi yo‘nalishi bo‘yicha charter reyslar “Sukhoi Superjet 95” samolyotida haftada bir marta — yakshanba kunlari amalga oshirilishi rejalashtirilgan.
