Putinni ogohlantirganman—Tramp
AQSH sobiq prezidenti Rossiya rahbarini tashqi agressiyaga yo‘l qo‘ymaslikka chaqirganini aytib berdi.
AQSHning 45-prezidenti Donald Tramp Vladimir Putinni Rossiya boshqa davlatlarga bostirib kirgan taqdirda og‘ir oqibatlardan ogohlantirganini aytdi. Sobiq davlat rahbarining so‘zlariga ko‘ra, RF yetakchisi bunga ishonmagan.
“Men aytgandim: Vladimir, buni qilma. Bizning do‘stligimizni bilasan, boshqa davlatlarni bosib olma, aks holda Moskva og‘ir zarba ostida qoladi”, – deb aytib o‘tdi u Siyosiy harakatlar konservativ konferensiyasida.
Bundan oldin Donald Tramp Jozef Baydenning Ukraina bo‘yicha siyosatini tanqid qilib chiqqandi. U 24 soat ichida tinchlik o‘rnatishi mumkinligini bot-bot qaytarib keladi.
