Germaniya davlat qarzi rekord darajada o‘sdi
Har bir germaniyalik hissasiga 28 ming yevrodan ziyod qarz to‘g‘ri kelmoqda.
Germaniyaning davlat qarzi 2.37 trillion yevroni tashkil etib, rekord darajaga chiqdi. Bu haqda Federal statistika idorasi maʼlum qildi.
Ushbu ko‘rsatkich 2021 yilga nisbatan 4.6 foizga o‘sgani aytilmoqda. Aholi jon boshiga qarz 28 155 yevrodan to‘g‘ri kelgan. Bir yil avval bu 27 922 yevroni tashkil qilgandi.
Federal qarzning o‘sishiga asosiy sabab qilib birinchi navbatda energetik inqiroz va COVID-19 pandemiyasi oqibatida yuzaga kelgan qo‘shimcha moliyalashtirish zarurati ko‘rsatilgan.
Mintaqalar kesimida qarzdorlik 5 foizga oshgan.
