0
Toshkent drenajini tuzatish uchun 700 million ajratiladi
Poytaxt hokimi Shavkat Umrzoqov bu bo‘yicha qaror imzolagan.
Toshkent shahrida yog‘ingarchilik davrida suv toshishi kabi holatlarning oldini olish maqsadida drenaj va kollektorlarni (irrigatsiya tizimini) taʼmirlash va beton quvur yotqizish ishlarini amalga oshirish uchun 700 million so‘m pul ajratiladi.
Bu haqda Toshkent shahri hokimi Shavkat Umrzoqov qaror imzolagan.
Qarorga ko‘ra, pullar mahalliy byudjetning zaxira jamg‘armasi mablag‘lari hisobidan Obodonlashtirish bosh boshqarmasi tizimidagi Drenaj va kollektorlarni taʼmirlash va saqlash ixtisoslashtirilgan boshqarmasiga beriladi.
So‘nggi kunlardagi yomg‘irlar oqibatida Toshkent ko‘chalari suv ostida qolgandi. Buni poytaxt hokimligi ko‘p yomg‘irga tayyor emasligi bilan izohlagandi.
