Britaniyada “piyonista” it davolandi
U xo‘jayini uxlagan vaqtda stolda qoldirilgan spirtli ichimliklarni ichib kelgan.
Itlar ham piyonistalikdan aziyat chekishi mumkin ekan. Buyuk Britaniyada alkogolizmdan aziyat chekuvchi it davolandi.
Xo‘jayinining vafotidan so‘ng ikki it uysiz itlar boshpanasiga olib ketilgan. O‘sha yerda veterinarlar itlarda tutqanoqni kuzatib, ular abstinent sindromidan aziyat chekayotganini payqagan.
Itlardan biri nobud bo‘lgan, ikki yoshli Koko laqabli labrador esa kasallikdan davolangan.
Keyinchalik aniqlanishicha, jonivorlar xo‘jayin uyquga ketganida u stol ustida qoldirib ketgan spirtli ichimliklarni ichib kelgan.
Maʼlumot uchun: it va mushuklar organizmi alkogolni hazm qila olmaydi va spirtli ichimlikning kam dozasi ham ularning kuchli zaharlanishiga olib keladi.
