Siyosat

Shveysariyada O‘zbekiston atrof-muhiti muhofazasi uchun muhim bo'lgan masala muhokama qilindi

Aziz Abduhakimov boshchiligidagi O‘zbekiston  delegatsiyasi Jenevada o‘tkazilgan konferensiyalar ochilish marosimida ishtirok etdi.

Shveysariyada O‘zbekiston atrof-muhiti muhofazasi uchun muhim bo'lgan masala muhokama qilindi

 

Tabiat resurslari vazirligi maʼlumotiga ko‘ra, konferensiya aʼzo davlatlar, BMT Atrof muhit dasturi (UNEP) va nodavlat tashkilotlar vakillari ishtirokida bo‘lib o‘tmoqda.

 

 Konferensiyada  Barqaror rivojlanish maqsadlarining amalga oshirilishi va uch planetar inqirozni (iqlim o‘zgarishi, bioxilma-xillikning yo‘q bo‘lib ketishi, atrof-muhitning ifloslanishi va chiqindilar) oldini olish bo‘yicha harakatlarni jadallashtirish muhimligiga alohida eʼtibor qaratildi.

 

 Anjuman doirasida O‘zbekiston tabiat resurslari vaziri Aziz Abduhakimov BMT bosh kotibi yordamchisi, UNEP ijrochi direktori o‘rinbosari Elizabet Mrema bilan uchrashuv o‘tkazdi.

 

Uchrashuvda UNEP O‘zbekistonda boshlangan qator tashabbuslar atrof-muhitni muhofaza qilishda muhim rol o‘ynashini taʼkidladi. Buning isboti sifatida joriy yilning oktyabr oyida Samarqand shahrida bo‘lib o‘tadigan BMTning uchta yirik tadbirlari – cho‘llanish bo‘yicha global tadbir, Yovvoyi hayvonlarning ko‘chib yuruvchi turlarini saqlab qolishga doir Konvensiyasining 14-tomonlar konferensiyasi va Butunjahon turizm tashkiloti (UNVTO) Bosh Assambleyasining 25-sessiyasi alohida eʼtirof etildi.

 

Suhbat davomida Orolbo‘yi hududini ekologik innovatsiyalar va texnologiyalar hududiga aylantirish maqsadida UNEP Iqlim texnologiyalar markazi va tarmog‘i bazasida O‘zbekistonda mintaqaviy “Yashil markaz” ochish tashabbusi qo‘llab-quvvatlandi.

 

Shu bilan birga, UNEP tomonidan 2020 yildan beri “Zamin” xalqaro jamoat fondi bilan hamkorlikda havo sifatini monitoring qilish bo‘yicha avtomatlashtirilgan tizimni O‘zbekistonda joriy etish bo‘yicha bir qator amaliy tadbirlar va muvaffaqiyatli hamkorlik olib borilayotganligi qayd etildi. Hozirgi kunda Fond va UNEP o‘rtasida anglashuv memorandumi imzolanishi kutilmoqda.

 

Muhokamalar yakunida laboratoriya xodimlarining malakasini oshirish va xalqaro tajribalarni qo‘llash bo‘yicha kelishuvga erishildi.

 

Qolaversa, Tabiat resurslari vazirligi huzurida «Kimyoviy markaz» ochishga kelishildi. Bundan maqsad kimyoviy konvensiyalar yo‘nalishida va kelgusida pestitsidlarni tartibga solish bo‘yicha Rotterdam konvensiyasiga qo‘shilishdir.

 

Yevropa Ittifoqi va FAO hamkorligida qiymati 4 million yevroga teng bo‘lgan kimyoviy moddalar va xavfli chiqindilarni tartibga solish hamda BMTning kimyoviy konvensiyalari doirasida olingan majburiyatlarning bajarilishini taʼminlash bo‘yicha loyiha shu yilning 3-choragida ishga tushirilishi tasdiqlandi.

O‘zbekiston–Turkiya hamkorligi kengayadi: 2030-yilga borib 175 tonna oltin qazib olishni rejalashtirmoqda

O‘zbekiston–Turkiya hamkorligi kengayadi: 2030-yilga borib 175 tonna oltin qazib olishni rejalashtirmoqda

Turkiya kompaniyalari misni qayta ishlash, elektronika, transformatorlar va maishiy texnika ishlab chiqarish bo‘yicha hamkorlikka taklif etildi.

Buxoro turizmiga xalqaro brendlar jalb etilishi mumkin: Saida Mirziyoyeva uchrashuv o‘tkazdi

Buxoro turizmiga xalqaro brendlar jalb etilishi mumkin: Saida Mirziyoyeva uchrashuv o‘tkazdi

O‘zbekiston tarixiy merosga ehtiyotkorona yondashadigan xalqaro brendlar bilan hamkorlik qilishga ochiq ekani ta’kidlandi.

Shavkat Mirziyoyev va O‘mon Sultoni Masqatda muzokara o‘tkazdi

Shavkat Mirziyoyev va O‘mon Sultoni Masqatda muzokara o‘tkazdi

Ikki davlat rahbarlari oliy darajadagi kelishuvlar ijrosi uchun “yo‘l xaritasi”ni qabul qilish va Muvofiqlashtiruvchi kengash tuzishga kelishib oldi.

Shavkat Mirziyoyev davlat tashrifi bilan O‘monga jo‘nab ketdi

Shavkat Mirziyoyev davlat tashrifi bilan O‘monga jo‘nab ketdi

Tashrif doirasida Masqat shahrida oliy darajadagi muzokaralar, yirik kompaniyalar rahbarlari bilan uchrashuvlar va boshqa qo‘shma tadbirlar o‘tkaziladi.

Ziroat Mirziyoyeva “Nol chiqindi” Global alyansini tashkil etishga bag‘ishlangan uchrashuvda ishtirok etdi

Ziroat Mirziyoyeva “Nol chiqindi” Global alyansini tashkil etishga bag‘ishlangan uchrashuvda ishtirok etdi

O‘zbekiston Birinchi xonimi alyans doirasida ekologik ta’limni rivojlantirish va yoshlarning ekologik loyihalarini qo‘llab-quvvatlash tashabbuslarini ilgari surdi.

Ziroat Mirziyoyeva COP31 doirasida O‘zbekiston milliy pavilyoniga tashrif buyurdi

Ziroat Mirziyoyeva COP31 doirasida O‘zbekiston milliy pavilyoniga tashrif buyurdi

Pavilyonda “Zamin” fondining “Eco-Schools Uzbekistan” loyihasi doirasida uzluksiz ekologik ta’lim tizimi taqdim etildi.

Shavkat Mirziyoyev Finlyandiya prezidenti bilan uchrashdi

Shavkat Mirziyoyev Finlyandiya prezidenti bilan uchrashdi

Uchrashuvda tomonlar o'rtasidagi metallurgiya, energetika, geologiya, ekologiya hamda suv resurslari sohalaridagi hamkorlikni kengaytirish masalalarini ko‘rib chiqildi.

Shavkat Mirziyoyev Turkiy davlatlar tashkilotining yangi bosh kotibini qabul qildi

Shavkat Mirziyoyev Turkiy davlatlar tashkilotining yangi bosh kotibini qabul qildi

Tomonlar 2027-yilda O‘zbekistonda o‘tkazilishi rejalashtirilgan TDT sammitiga tayyorgarlik masalalarini ko‘rib chiqdi.