Qozog‘iston "Gazprom" bilan Rossiya gazini O‘zbekistonga tranziti bo‘yicha shartnoma imzoladi
“Gazprom” va Qozog‘iston Energetika vaziri o‘rtasida uchrashuv bo‘lib o‘tdi.
"Sankt-Peterburg xalqaro iqtisodiy forumi – 2023" doirasida “Gazprom” boshqaruv qo‘mitasi raisi Aleksey Miller, Qozog‘iston energetika vaziri Almasadam Satkaliyev o‘rtasida uchrashuv bo‘lib o‘tdi.
Uchrashuvda tomonlar gaz yetkazib berish, qayta ishlash va tashish sohasidagi hamkorlikning borishi va istiqbollarini muhokama qilishgan.
Shuningdek, uchrashuv doirasida Aleksey Miller va Sanjar Jarkeshov o‘zbekistonlik isteʼmolchilar uchun Rossiya gazini Qozog‘iston hududi orqali tashish bo‘yicha xizmatlar ko‘rsatish to‘g‘risidagi shartnomani imzoladilar.
