Janubiy Koreyada prezidentning qaynonasi hibsga olindi
U hujjatlarni qalbakilashtirishda ayblangan
Janubiy Koreyaning amaldagi prezidenti Yun Sok Yolning qaynonasi Choy In Sun hujjatlarni qalbakilashtirish uchun sudlanganlik ustidan berilgan shikoyatni rad etgani uchun hibsga olindi. Qaror e'lon qilinganidan keyin 76 yoshli ayol hushidan ketdi, deb xabar beradi Yonhap.
Qayd etilishicha, hukm 2021-yilda chiqarilgan, shundan keyin sudlanuvchiga bir yillik qamoq jazosi tayinlangan, ammo apellyatsiya hal qilinmaguncha uni hibsga olishmagan, Choy In Sun esa o‘z aybini tan olmay kelayotgandi.
Mamlakat prezidentining qaynonasi Choy In Soon 34,7 milliard von (taxminan 27 million dollar) depozit sertifikatini qalbakilashtirishda aybdor deb topildi. Ushbu hujjat 2013-yilda Seongnam shahridagi yer uchastkalarini sotib olish uchun ishlatilgan. Sud buni og'ir jinoyat deb topdi.
Janubiy Koreya prezidentining qaynonasi avvalroq boshqa jinoiy ishda - 2015-yilda davlat tibbiy sug‘urtasidan nafaqa olishdagi firibgarlik bo‘yicha ishtirok etgan. Birinchi instantsiya sudi uni 3 yilga ozodlikdan mahrum qilgan, biroq keyinchalik u oqlanadi.
Ma'lumot uchun, Yun Seok Yol 2022-yilning mayidan beri Janubiy Koreyani boshqarib kelmoqda. Bungacha u Bosh prokuror (2019-2021-yillar), Seul prokuraturasida ishlagan. Ko'plab yuqori darajadagi tergovlarda, jumladan Janubiy Koreyaning ikki prezidentining ishlarida ishtirok etgan.
