Buxorodagi 9 qavatli binoda yong‘in chiqdi
Voqea joyiga 5 ta yong‘in qutqaruv ekipaji jalb etilgan.
Bugun, 24-iyul kuni soat 12:20da Buxoro shahar “Bunyodkor” MFYda joylashgan yangi qurilayotgan 9 qavatli uyda yong‘in chiqdi. Bu haqda Buxoro viloyati FVB Matbuot xizmati xabar berdi. Yong‘in qutqaruv ekipaji soat 12:22da etib borib, yong‘in 12:49da batamom o‘chirilgan. Yong‘in oqibatida fuqarolarni kuyish tan-jarohati olish va halok bo‘lish holatlari qayd etilmadi.
Voqea joyiga 5 ta yong‘in qutqaruv ekipaji jalb etildi. Yong‘inining kelib chiqish sababi payvandlash ishlarida yong‘in xavfsizligi qoidalarini buzilishi deb taxmin qilinmoqda. Moddiy zarari aniqlashtirilmoqda.
