"O‘ylaymanki, u bir oyda o‘z o‘rniga qaytadi"
Karlo Anchelotti Arda Gulerning jarohati haqida gapirdi.
Madridning “Real” klubi bosh murabbiyi Karlo Anchelotti turkiyalik futbolchi Arda Gulerning jarohati haqida gapirdi.
"Gulerning jarohati? Bu unchalik jiddiy emas. O‘ylaymanki, u maksimal bir oyda o‘z o‘rniga qaytadi", - dedi Anchelotti.
Eslatib o‘tamiz, Arda Guler “Genclerbirligi” bitiruvchisi hisoblanadi. U 2014-yildan 2019-yilgacha ushbu turk klubi akademiyasida bo‘lgan, keyin esa “Fenerbaxche”ga o‘tgan va asosiy jamoa uchun 51 o‘yinda 9 ta gol urgan va 12 ta golli uzatmani amalga oshirgan. Turkiya terma jamoasi safida ham to‘rtta o‘yinda ishtirok etgan.
