Kosa tagida nimkosa
“PSJ” Neymarga bog‘liq bitta reja ishlab chiqdi.
“PSJ”ning braziliyalik hujumchisi Neymar Fransiya klubini tark etishi mumkin. “Sport” nashri xabariga ko‘ra, parijliklar rahbariyati "Barselona"ga Neymarni mavsum davomida ijaraga olishni taklif qilgan. “PSJ” bu taklifni qanot yarim himoyachisi Usmon Dembelening bo‘lajak transferi bo‘yicha kelishuvning bir qismi sifatida ko‘rib chiqmoqda.
Eslatib o‘tamiz, 31 yoshli Neymar 2013-yildan 2017-yilgacha “Barselona”da o‘ynagan. Uning “PSJ”ga o‘tishi futbol tarixidagi eng qimmat transfer bo‘lib qolmoqda. Parij klubi braziliyalik hujumchi uchun 222 million yevro to‘lagan. Neymarning “PSJ” bilan shartnomasi 2025-yilning iyunigacha amal qiladi. Transfermarkt uni 60 million yevroga baholagan.
