"Inter Mayami" Messi sabab darvozabonini haydab yubordi
U argentinalik futbolchining jamoaga kelishiga shubha bildirgan.
"Inter Mayami" klubi rahbariyati Lionel Messining jamoaga kelishiga shubha bildirgan darvozabon Nik Marsmanga chiqish eshiklarini ko‘rsatib qo‘ydi. Bu haqda "Daily Mail" nashri xabar berdi.
Manbaga ko‘ra, klub 32 yoshli futbolchi bilan kelishuvni bir tomonlama bekor qildi va unga kompensatsiya to‘laydigan bo‘ldi. MLS qoidasiga binoan, klublarga bir yilda faqat bir marta o‘yinchilar bilan shartnomani bekor qilishga ruxsat etiladi. Iyun oyida niderlandiyalik darvozabon "Inter Mayami" Lionel Messi darajasidagi yulduz transferini amalga oshirishga tayyor emasligini iddao qilgandi.
"Klub Messining kelishiga tayyor emas, deb hisoblayman. Chunki stadionimiz vaqtinchalik, odamlar maydonga kirib kelaveradi. Biz qo‘riqchilarsiz yuramiz. O‘ylashimcha, hali jamoa katta transferga tayyor emas. Lekin Messining kelishidan umidvorman", - degan edi Marsman.
