“Kanun” to‘fonidan so'ng Primorye daryolari suvi pasayishda davom etmoqda
Hozirda 200 ga yaqin uy suv ostida qolgan.
Primoryeda "Kanun" to‘foni sababli suv toshqini pasayishda davom etmoqda. Viloyat daryolarida suv sathi pasayib bormoqda. Hozirda 200 ga yaqin uy suv ostida qolgan.
Shuningdek, Favqulodda vaziyatlar vazirligi maʼlumotlariga koʻra, hozirda faqat ikkita qishloq bilan transport aloqasi mavjud emas. Spassk-Dalniy va Oktyabr tumanlarida qutqaruvchilar hududni tozalashda davom etmoqda — ular uylardan chiqindi va shikastlangan mebellarni olib chiqishmoqda. 200 ta uyning yerto‘lasidgi suv allaqachon bartaraf etilgan.
Suv toshqini oqibatlarini bartaraf etish ishlari olib borilayotgan bir paytda 150 dan ortiq kishi vaqtinchalik yashash joylarida, jabrlanganlarning aksariyati esa qarindoshlarinikida yashamoqda. Ularga nafaqat qutqaruvchilar, balki ko‘ngillilar ham yordam bermoqda. Ko‘ngillilar Primoryening turli mintaqalaridan oziq-ovqat, kiyim-kechak, choyshab va gaz plitalarini olib kelishadi.
