Gripp va pnevmoniyaga qarshi emlash alsgeymer xavfini kamaytiradi
Alsgeymer assotsiatsiyasi olimlari tadqiqot o‘tkazdi.
Alsgeymer assotsiatsiyasi olimlari gripp va pnevmoniyaga qarshi emlashlar alsgeymer kasalligining rivojlanish xavfini kamaytirishga bevosita taʼsir qilishini aniqladi. Tegishli tadqiqot natijalari alsgeymer kasalligi bo‘yicha yillik konferensiyada taqdim etildi.
Tadqiqotda 65 yoshdan oshgan 5146 nafar ko‘ngilli ishtirok etdi. Tashkilotchilar ishtirokchilarning sog‘lig‘i va emlash tarixi haqida maʼlumot olishdi. Natijalar shuni ko‘rsatdiki, hatto bitta grippga qarshi emlash bilan ham kasallikning rivojlanish xavfi 17% ga kamaygan. 65 yoshdan 75 yoshgacha bo‘lgan pnevmoniyaga qarshi emlash bemorlarning genetik xususiyatlariga qarab alsgeymer kasalligini rivojlanish xavfini 40% gacha kamaytirgan.
Tadqiqotchilar grippga qarshi vaksina va alsgeymer xavfi o‘rtasidagi eng kuchli himoya aloqasi birinchi emlashni oldinroq olganlarda ekanini aniqladi. Masalan, 60 yoshida grippga qarshi emlanganlar 70 yoshida emlanganlarga qaraganda holati yaxshiroq bo‘lgan.
