Gavayidagi o‘rmon yong‘inlari sababi aniqlandi
“Washington Post” bu bo‘yicha tekshiruv o‘tkazdi.
Maui orolidagi tashlandiq dalalarga beparvolik Gavayida halokatli yong‘inlarga olib kelgan, deya yozmoqda “Washington Post” gazetasi.
Maʼlumotlarga ko‘ra, Laxayna shahrini vayron qilgan yong‘in tepalikdagi tashlandiq, boshqarilmaydigan yer uchastkasidan tarqala boshlagan.
Ko‘p yillar davomida yong‘in xavfi haqida qayta-qayta ogohlantirishlarga qaramay, ehtiyotsizlik va davlat resurslarining yetishmasligi tufayli ofat boshlangan.
Tasmaniya universitetining pirogeografiya va o‘t o‘chirish fanlari professori Devid Boumenning so‘zlariga ko‘ra, “shahar kukunli bochka bilan o‘ralgan va uchqunning portlashini kutishgan”. Orol rasmiylari fojiada mahalliy elektr energetika kompaniyasini ayblamoqda, go‘yoki ular elektr tarmog‘ini kerakli shaklda saqlamagan. Bu ko‘plab qisqa tutashuvlarga olib keldi.
