Soliq majburiyati bo‘yicha daʼvo qilish muddati 5 yildan 3 yilga tushiriladi
Bu bo‘yicha Prezidentning tegishli qarori qabul qilindi.
O‘zbekistonda soliq majburiyati bo‘yicha daʼvo qilish muddati 5 yildan 3 yilga tushiriladi.
Endi kameral soliq tekshiruvini o‘tkazishda quyidagilar taqiqlanadi:
-
soliq to‘lovchining hududiga kirish;
-
soliq to‘lovchining hududini va binolarini ko‘zdan kechirish;
-
soliq to‘lovchining hujjatlarini talab qilib olish va uni chaqirtirish;
-
soliq to‘lovchining hujjatlari va buyumlarini olib qo‘yish.
2024-yil 1-yanvardan:
-
iqtisodiy sudlar tomonidan soliq organlari ishtirokida ko‘rilayotgan ishlar maʼmuriy sudlar yurisdiksiyasiga o‘tkaziladi;
-
soliq majburiyati bo‘yicha daʼvo qilish muddati 5 yildan 3 yilga tushiriladi;
-
aholi va tadbirkorlarga ajratilgan kreditlar bo‘yicha qarzdorlikni undirish bo‘yicha sudning hal qiluv qarori chiqarilganda, mazkur kreditlar bo‘yicha foizlar neustoyka hisoblanishi to‘xtatiladi;
-
to‘lov miqdori kredit majburiyatlarini bajarish uchun yetarli bo‘lmaganda, mablag‘larni birinchi navbatda mutanosib ravishda muddati o‘tgan asosiy qarz va foiz qarzdorliklarini, ikkinchi navbatda joriy to‘lov uchun hisoblangan foizlar va asosiy qarzni, keyingi navbatlarda neustoyka va ijro xarajatlarini qo‘llashga yo‘naltirish tartibi o‘rnatiladi.
