Eng yaxshi tarbiyachi 12 million so'm pul mukofoti bilan taqdirlandi
Maktabgacha taʼlim agentligi tomonidan “Yilning eng yaxshi tarbiyachisi-2023” tanlovi o'tkazildi.
Maktabgacha va maktab taʼlimi vazirligi huzuridagi Maktabgacha taʼlim agentligi tomonidan tashkil etilgan “Yilning eng yaxshi tarbiyachisi-2023” kasbiy ko‘rik-tanlovining respublika bosqichi g‘oliblarini taqdirlash marosimi bo‘lib o‘tdi.
Tanlov g‘oliblari oltita nominatsiya “Eng yaxshi metodist”, “Eng yaxshi fidokor tarbiyachi”, “Eng yaxshi ijodkor-ixtirochi tarbiyachi”, “Innovatsion va axborot texnologiyalarini qo‘llaydigan eng yaxshi tarbiyachi”, “Eng yaxshi eko-targ‘ibotchi tarbiyachi”, “Eng yaxshi maʼnaviy kamolotga yetaklovchi tarbiyachi” bo‘yicha aniqlandi.
Respublika bosqichi ishtirokchilari 3 ta shart asosida bellashdi.
G‘oliblar diplom va qimmatbaho sovg‘alar hamda quyidagi miqdorda pul mukofotlari bilan taqdirlandi:
I o‘rin - 12 mln. so‘m;
II o‘rin - 8 mln. so‘m;
III o‘rin - 5 mln. so‘m.
