AQShda Messi muzeyi ochiladi

 

Leo Messining MLSga kelishi “Inter Mayami” tarixida katta o'zgarish sodir etdi. O'tgan mavsumda jamoa o'yiniga o'rtacha 12,6 ming muxlis tashrif buyurgan bo'lsa, bu yil 16,3 ming nafarga yetdi. Garchi Messi hozirgacha faqat uchta uy uchrashuvida maydonga tushdi. Ilgari klubning ijtimoiy tarmoqda 900 ming obunachisi bor edi, hozir esa 15,4 million.

 

Xabarlarda aytilishicha, Messining MLSdagi debyut o'yinini 12,5 million tomoshabin ko'rgan va bu faqat AQSh uchun dashshatli statistika. "Inter" bosh murabbiyi Devid Bekxem esa g'urur bilan shuni ma'lum qildi: Leoning klubdagi taqdimotini 3,5 milliard odam tomosha qildi. Bu shunchaki aqlga sig'maydigan holat.

 

Messining shtatlarda paydo bo'lishi imkon qadar monetizatsiya qilinmoqda. Shu raqamlar haqida o‘ylab ko‘ring: argentinalik futbolchi transferidan so‘ng “Inter” ishtirokidagi o‘yinlar uchun chiptalar narxi 700 foizdan ko‘proqqa oshdi. “Mayami”ning raqiblari ham yulduz futbolchi orqali ko'proq pul ishlab olishmoqda.

 

Albatta, masalani faqat sport bilan cheklab bo'lmaydi. "Mundo Deportivo" nashrining xabar berishicha, 2024-yilning 25-aprelida Mayamida Leo multimedia muzeyi ochiladi, uning ichida “The Messi Experience Park” sayyohlik interaktiv ko‘rgazmasi bo‘ladi.

 

Loyiha olti oydan keyin ishga tushsa-da, chiptalarni 26-oktabrdan sotib olish mumkin bo‘ladi. Narxlar esa $29,9 dollarni tashkil qiladi.

 

Turli texnologik jihatdan nufuzli tadbirlar kutilmoqda. Tashrif buyuruvchilar futbolchining Rosariodagi og‘ir bolaligidan tortib to hozirgi kungacha bo‘lgan butun faoliyatini kuzatishi mumkin bo‘ladi. Asosiy urg‘u, albatta, 2022-yilda Qatarda bo‘lib o‘tgan jahon chempionati g‘olibligiga qaratiladi.

 

Futbolchi muxlislarga hayotining turli tomonlarini ochib beradigan bunday keng ko'lamli loyihaning bir qismi bo'lganidan xursand ekanligini ta'kidlagan.