Serbiya parlamenti tarqatib yuborildi
Mamlakatda muddatidan avval saylovlar o‘tkaziladi.
Serbiya prezidenti Aleksandr Vuchich parlamentni tarqatib yubordi va muddatidan oldin parlament saylovlari 17 dekabr kuni o‘tkazilishini eʼlon qildi.
1 noyabr kuni hukumat Vuchichga Milliy assambleyani tarqatib yuborish va saylovlar o‘tkazish to‘g‘risida asoslantirilgan taklif yuborilgan va bu demokratiyaning eng yuqori darajasini taʼminlash, jamiyatdagi keskinlikni pasaytirish, shuningdek, bu borada o‘z fikr va qarashlarini erkin ifoda etishga yordam berishi taʼkidlagan.
Eslatib o‘tamiz, Aleksandr Vuchich avvalroq mamlakat burilish nuqtasida ekanini aytgan va dekabr oyida ovoz berish jarayoni o‘tkazishni rejalashtirgan edi.
