Olmaliqda jabrlangan hindlardan 3 nafari vafot etgani aytildi
Kecha Olmaliq (OKMK)dagi 3-misni boyitish fabrikasi qurilishida quruvchilarni tom bosib qolgani xabar qilingandi.
20-fevral kuni jabrlangan hindistonlik ishchi-xodimlarning 27 nafariga tezkor tibbiy yordam ko‘rsatilgan. 4 nafar jabrlanganlarga Ohangaron tumani shoshilinch tibbiy markazida tez yordam ko‘rsatildi va shifoxonadan javob berildi.
23 nafar jabrlanganlarga Olmaliq shahar shoshilinch tibbiy markazida tezkor tibbiy yordam ko‘rsatildi.
O‘zbekiston Respublikasi Ixtisoslashtirilgan shoshilinch tibbiy yordam ilmiy markazi shifokorlari yordamida 6 nafar bemor operatsiya qilindi. Bugungi kunda 6 nafar jarrohlik amaliyoti o‘tkazilgan bemorlar Respublika Ixtisoslashtirilgan shoshilinch tibbiy yordam ilmiy markazida muolajalarni davom ettiryapti, ahvollari qoniqarli.
Shuningdek, qolgan 17 nafar jabrlanuvchiga Olmaliq shahar shoshilinch tibbiy markazda tibbiy yordam ko‘rsatilyapti, ahvollari o‘rta va yengil holatda.
