"Arsenal" Ben Uayt bilan shartnomani uzaytirdi
U jamoaga uch yil avval qo'shilgandi.
Eslatib o'tamiz, Uayt 2021-yilning yozida "Brayton"dan 58,5 million yevro evaziga "Arsenal"ga o'tgan edi. Joriy mavsumda himoyachi "kanonirlar" safida barcha turnirlar doirasida 38 ta o'yin o'tkazib, 2 ta gol urdi va 4 ta golli uzatmani amalga oshirdi. Futbolchining London klubi bilan amaldagi shartnomasi 2026-yilning iyun oyi oxirigacha amal qiladi. Transfermarkt internet portaliga ko'ra futbolchining taxminiy narxi 55 million yevroni tashkil qiladi.
Angliya premyer-ligasining joriy mavsumida 28 turdan keyin “Arsenal” 64 ochko bilan turnir jadvalida peshqadamlik qilmoqda. Ichki chempionatning navbatdagi uchrashuvida Mikel Arteta shogirdlari safarda “Manchester Siti” bilan kuch sinashadi. O'yin 31-mart kuni bo'lib o'tadi.
