"Atletiko Madrid" Chempionlar Ligasi tarixida o'ziga xos rekord o'rnatdi
Jamoa uchta penaltilar seriyasida g'alaba qozongan birinchi jamoa bo'ldi.
Kecha Chempionlar ligasi 1/8 finalining javob uchrashuvi yakuniga yetdi, unda “Atletiko” o‘z maydonida “Inter”ni mag‘lub etdi (2:1, penaltilar seriyasida 3:2). Shu tariqa, Madrid klubi Yevropaning eng nufuzli turniri tarixida o‘yindan keyingi uchta penaltilar seriyasida g‘alaba qozongan birinchi jamoa bo‘ldi. Eslatib o‘tamiz, madridliklarning sloveniyalik darvozaboni Yan Oblak har uchala penaltilar seriyasida ham ishtirok etgan.
"Atletiko" 2014/2015-yilgi mavsumda "Bayer"ni penaltilar seriyasida, 2015/2016-yilgi mavsumda esa "PSV"ni mag'lub etgandi. O'sha 2016-yilda "matraschilar" Chempionlar ligasi finalida "Real"ga 11 metrlik seriyada mag'lub bo'lishgan.
