Dunyoni qum va chang bo‘ronlari egallashi mumkin
BMT uning oqibatlaridan ogohlantirdi.
BMT maʼlumotlariga ko‘ra, qum va chang bo‘ronlari dunyoning ko‘p joylarini egallashda davom etmoqda. Ulardan birinchi navbatda sayyoraning cho‘l hududlari aziyat chekmoqda. Misol uchun, Amerikaning Buyuk tekisliklarida so‘nggi yigirma yil ichida bunday hodisalar soni ikki baravar ko‘paygan.
Hozirda chang bo‘ronlari janubiy Yevropa kabi dunyoning boshqa mintaqalariga ham taʼsir ko‘rsatmoqda. Birlashgan Millatlar Tashkilotining Qum va chang bo‘ronlari bo‘yicha koalitsiyasi chang bo‘ronlari atrof-muhit, iqlim, sog‘liq, qishloq xo‘jaligi va odamlarning turmush sharoitiga jiddiy taʼsir ko‘rsatdi, deb taʼkidladi.
Oksford universitetining Atrof-muhitni muhofaza qilish markazidan professor Devid Tomasning aytishicha, cho‘llarning chekkasida suv havzalarining hajmini kamaytiradigan yoki tabiiy o‘simliklarni yo‘q qiladigan har qanday inson faoliyati chang bo‘ronlari xavfini oshiradi. U Orol dengizining qurishi va Iroq botqoqlarining qurib ketishini bunga eng yomon misol deb atadi.
