Peresning yangicha “galaktikasi”
U yangi “Real”ni Anchelotti bilan qanday qilib qurdi?
Florentino Peres barcha rahbarlar uchun namuna. U yosh o'tishi hech qanday muvaffaqiyatsizliklarga sabab bo'lolmasligini isbotladi. Peres misoli har qanday yoshda ham o'zgarib, yaxshiroq natijalarga ega bo'lishingiz mumkinligini ko'rsatib qo'ydi.
Janob Florentino 2000-yilda "Real Madrid" prezidenti bo'ldi. U o'shanda 53 yoshda edi. U "galaktikos"ni o'ylab topdi va bu g'oyani amalga oshirdi. Madrid tojida jahon futbolidagi eng qimmat olmoslar bor. Faqat bu toj juda noqulay bo'lib chiqdi. O'shanda jamoaga tashrif buyurgan super yulduzlar bilan to'ldirilgan "Real Madrid" juda kam muvaffaqiyatlarga erishdi. Peres o'zini yetakchi kabi tutdi - u eng yorqin natijalarga shoshildi. O'sha "Real"ga umuman omadsiz mutaxassislar murabbiylik qilgan. Ular orasida Karlos Keyrush, Xose Kamacho, Vanderley Luchemburgo, Xuan Karolar bor edi.
Peres "Real Madrid"ga ikkinchi marta 2009-yilda keladi. Bu vaqtga kelib, u tushundi: "galaktik" tarkibga, albatta, "galaktik" murabbiy kerak. Birinchi bo'lib Joze Mourinyo, keyingi bu o'rinni Karlo Anchelotti va Zinedin Zidan egalladi. Xulen Lopetegi yoki Rafael Benites kabi xato tanlovlar ham sodir bo'ldi. Umuman olganda, 2010-yillar "Real" uchun juda kuchli davr bo'ldi. Bu yillar Florentino Peres evolyutsiyasining yangi bosqichidir. U "galaktikos" g'oyasidan voz kechmadi. Ammo u buni qanday amalga oshirdi! "Real Madrid" tashqaridan super yulduzlarni sotib olmadi, aksincha, endi ularni o'zi tarbiyaladi. Misol uchun hozirgi tarkibni olaylik: jamoaga kelgandan so'ng deyarli barcha futbolchilar kuchayishdi. Bunga misol uchun Vinisius va Rodrigolarni olishimiz mumkin.
"Real Madrid" hali ham transferlar uchun ko'p pul sarflaydi. Bu katta klub uchun normal holat. Shunchaki, hozir klub potentsialga ko'proq sarmoya kiritmoqda. Allaqachon yulduz futbolchi bo'lgan Jud Bellinghemning transferi ham salohiyatli sarmoyadir. Ingliz futbolchisi endigina 20 yoshga to'ldi. Uning yordamida "Real Madrid" nafaqat hozir, balki kelgusi yillarda ham yanada kuchayadi. Jude allaqachon ko'p narsani qila oladi, ammo, "Real Madrid" undan hali ham rivojlanishini xohlamoqda. So'nggi vaqtlar ichida ko'pchilik "Real Madrid" Zidan boshchiligidagi yangi loyihaga start berishi haqida gapirishdi. Ammo Peres darhol ommaviy xaridni amalga oshirmadi. Jamoadagi Vinisius, Bellinghem, Federiko Valverde, Eduardo Kamavinga, Aurelien Tchouameni kabi yosh futbolchilar va Luka Modrich, Kroos, Dani Karvaxal o'rtasidagi o'zaro tajriba almashish jarayoni yaxshi yo'lga qo'yildi. Nega Peres 2020-yillarda aynan shu yo‘lni tanlashga qaror qilganini aytish qiyin. Sababi, uning uchun bu yangi, noma'lum yo'l edi. Klub ilgari hech qachon bunday qilmagan. Florentinoning o'zi bu haqda gapirmagan. Balki "Real Madrid" stadionni rekonstruksiya qilgani uchun shunday qaror qabul qilishga to'g'ri kelgandir. Balki, Peres yangicha yo'l bilan katta jamoa qurishda o'zi uchun yangi vazifani ko'rgandir. Gap shundaki, Peres muvaffaqiyatga erishdi. Zidan o'rniga u ikkinchi marta allaqachon qarib qolgan jamoaning umrini uzaytirgan va u bilan Chempionlar ligasini tasodifan yutgan Anchelottini tayinladi. Endi esa Karlo yangi "Real Madrid"ni qurmoqda.
Anchelotti qaytganida, uning yangi jamoa qurishga qodir ekanligini ko'pchilik tasavvur qila olmasdi. Uning faoliyatida pasayish allaqachon sodir bo'lgandi. U so'nggi jamoalarning hech birida katta muvaffaqiyatga erisha olmadi. Italiyalik murabbiy allaqachon yetmishdan oshgan. Umuman olganda, birinchi yillar ishonchli ko'rinmadi. Lekin, Peres nimanidir bilardi. Ammo u tavakkal qildi va yangi rejalar yordamida kuchli jamoa tuzdi. Anchelotti esa og‘ir o‘tgan mavsumdan so‘ng, jamoani qayta tiklash muvaffaq bo'ldi. Keksa sarguzashtchilar - Peres va Anchelotti oldida yangi vazifa turibdi. Bu Mbappening transferi bilan bog'liq. Karlo uni o'yinga ijobiy holatda qo'shishi kerak. Vazifa qiyin, lekin bunga Peres ikkalasi harakat qilishmoqda. Ularning yo‘li, yondashuvi barchamizga ibratdir. Yoshingiz yoki nimaga erishganingiz muhim emas. Har qanday holatda ham to'xtab qolmasligingiz sizni katta muvaffaqiyatlarga olib boradi. Aks holda yangi g'alabalar va meros sizni chetlab o'tadi.
