Chempionlar ligasida eng ko'p g'alabaga ega klublar
Ular orasida birinchi o'rinda Madrid jamoasi turibdi.
Yevropa Chempionlar ligasi final bosqichiga qadam qo'ydi, demak, endi har qanday g'alaba oltinga teng. Transfermarkt 21-asr davomida turnirda g'alaba qozongan o'yinlar soni bo'yicha eng yaxshi klublar ro'yxatini tuzib chiqdi. Xo'sh qaysi jamoalar kuchli beshlikka kirgan?
"Chelsi"
21-asrda "Chelsi" Chempionlar ligasida 183 ta o'yin o'tkazgan va 95 ta bahsda g'alabaga erishgan. Londonliklar uch marta (2008, 2012, 2021) Yevropaning asosiy turniri finaliga chiqishgan va ikki marta (2012, 2021) kubokni qo'lga kiritishga muvaffaq bo'lishgan.
"Manchester Yunayted"
"Manchester Yunayted" Chempionlar ligasida 187 ta o'yinda 97 ta g'alabani qo'lga kiritgan. “Qizil Iblislar” atigi bir marta (2008) turnir chempionligini qo‘lga kiritgan.
"Barselona"
“Barselona” XXI asrda Chempionlar ligasining 237 ta o‘yinida qatnashgan va 143 ta g‘alabaga erishgan. Kataloniyaliklar bu orada 4 marta Chempionlar ligasida g'olib chiqishgan.
"Bavariya"
"Bavariya" 240 uchrashuvda 151 ta g'alabani qayd etgan. Myunxenliklar 21-asrda uchta Chempionlar ligasi sovrinini qo'lga kiritdi.
"Real Madrid"
Madridliklar XXI asrda 7 ta Chempionlar ligasi finalida (2000, 2002, 2014, 2016, 2017, 2018, 2022) ishtirok etgan va ularning barchasida g'alaba qozongan. Bu vaqt ichida madridliklar 263 o‘yin o‘tkazib, 159 ta uchrashuvda g'alabani o'zlariniki qilishgan.
