Ikki qadam "Siti"ni chempionlikda ayirib turibdi

 

"Manchester Siti" yana bir chempionlik sari intilmoqda. Gvardiola jamoasi safarda “Fulxem” ustidan qozonilgan g‘alabadan keyin birinchi o‘ringa ko‘tarildi. Uchrashuv to'liq Gvardiola shogirdlarining ustunligida o'tdi.

 

O‘yin boshidayoq “Siti” hisobni ochdi. Gvardiol to'pn jarima maydonchasi oldida qabul qilib oldi va De Bryuyne bilan pas o'ynadi. Keyin esa bir-ikki dribling harakatlarini amalga oshirdi va taxminan jarima nuqtasidan zarba berdi. Kamdan-kam jamoa himoyachilarni bunchalik mahorat bilan hujumni yakunlashi mumkin. De Bryuynening golli uzatmasiga kelsak, bu uning Premyer-ligadagi 111-assistentidir. Shu tariqa u boradagi ko'rsatkichini yanada yaxshilab oldi.

 

O'yin shu tarzda rivojlandi, muvaffaqiyatsiz hujumlardan keyin ham "Siti" darhol to'pni qaytarib oldi. “Fulxem” esa butun o‘yin davomida faqat bitta zarbaga ega bo‘ldi. Asosiy vo'lim tugashiga qadar “Siti” yana ikki bor gol urdi. Foden va Gvardiol o'yindagi navbatdagi gollarga mualliflik qilishdi. Qolaversa, bu himoyachining bir oy ichida kiritgan to'rtinchi goli bo'ldi. Gvardiol “Luton” va “Real”ga ham gol urgandi. Qo'shib berilgan vaqtda Alvares penaltini ishlab, o'zi amalga oshirdi va "Siti"ning to'rtinchi golini urib, hisobni yirik ko'rinishga keltirdi.

 

"Siti"ning Premyer-ligada yana ikkita o'yini bor. Ikki g'alaba jamoaga chempionlikni kafolatlaydi. Angliya chempionatlari tarixida hali hech kim ketma-ket to'rt marta oliy ligada g'alaba qozona olmagan. Bunga "Hadersfild", "Arsenal", "Liverpul" va "Manchester Yunayted" uch marta erishgan. Joriy mavsum yakunida “Siti” safarda “Tottenhem” bilan, o‘z maydonida “Vest Xem” bilan o‘ynaydi. Londonning ikkala jamoasi ham ayni vaqtda yomon holatda. Vaholanki, Gvardiola jamoasi APLda 2018-yildan buyon har safar mehmonda “Tottenhem”ga mag‘lub bo‘lmoqda.