Modrich mavsum oxirida "Real"ni tark etadi
U o'z raqamini Mbappega topshiradi.
"Real Madrid"ning 38 yoshli markaziy yarim himoyachisi Luka Modrich joriy mavsum oxirida shartnomasi tugagach, "Qirollik klubi"ni tark etadi.
Manbaga ko'ra, xorvatiyalik futbolchi o'ynagan 10-raqami joriy mavsum yakunida "PSJ"dan ketishini e'lon qilgan hujumchi Kilian Mbappega topshiriadi. Avvalroq, OAVda fransiyalik futbolchi madridliklar klubi bilan 2029-yilgacha amal qiladigan shartnoma imzolagani haqida ma'lumot paydo bo'lgandi.
Eslatib o'tamiz, Modrich 2012-yildan beri "Real"da o'ynab kelmoqda. Bu davrda u barcha turnirlarda 530 ta uchrashuvda qatnashib, 39 ta gol va 85 ta golli uzatmani amalga oshirgan.
