Rossiyada 10 qavatli uy snaryad hujumiga uchradi
Hodisa oqibatida halok bo‘lganlar bor.
Bugun, 12-mat kuni Belgoroddagi 10 qavatli turarjoyga snaryaddan hujum qilindi. Zarba oqibatida ko‘p qavatli uyning kirish yo‘lagi, yaʼni podyez butunlay qulab tushgan.
Dastlabki maʼlumotlarga ko‘ra, hodisa oqibatida kamida 5 kishi halok bo‘lgan, 21 kishi jarohatlangan. Xarobalar ostida 20 kishi qolib ketgani taxmin qilinmoqda. Hozirgacha ulardan 7 kishi chiqarib olinib, shifoxonaga yotqizilgan.
Belgorod oblasti gubernatori Vyacheslav Gladkov binoga snaryad kelib urilganini maʼlum qildi. U hodisada Ukraina qurolli kuchlarini ayblagan.
Avvalroq shaharda havo hujumidan mudofaa kuchlari ishga tushgandi. Shundan so‘ng shaharda ogohlantirish sirenalari yoqilgan.
