Transport karta sotish shoxobchalari yopilmoqda
Ularni endi markaziy pochta bo‘limlarida xarid qilish mumkin.
15-may kunidan boshlab Toshkent shahridagi barcha transport karta sotish shoxobchalari faoliyati to‘xtatiladi. Bu haqda “Toshshahartransxizmat” AJ maʼlum qildi.
Qayd etilishicha, ATTO transport kartalarini xarid qilish, hisobini to‘ldirish va tarif sotib olish xizmatlari Uzpost aloqa bo‘limlarida (markaziy pochta bo‘limlarida) amalga oshiriladi.
Shuningdek, respublikaning Samarqand, Buxoro, Andijon, Xorazm, Namangan, Jizzax, Farg‘ona viloyatlari va Qarshi, Termiz, Nukus shaharlaridagi pochta bo‘limlarida ham shu xizmatlardan foydalanish mumkin.
“Toshshahartransxizmat” jamoat transportlarida elektron to‘lovlardan qulayroq foydalanish uchun ATTO mobil ilovasi virtual karta ochish imkoni borligini, u transport kartaning barcha funksiyalarini bajarishini eslatgan.
