Toni Kroos Yevropa chempionatidan keyin faoliyatini yakunlaydi
Bu haqda Madrid jamoasi matbuot xizmati xabar berdi.
"Real Madrid" matbuot xizmati yarim himoyachi Toni Kroos Yevro-2024 dan keyin faoliyatini yakunlashini tasdiqladi.
"Real Madrid" tarixining bir qismiga aylangan, klubimiz va jahon futbolining eng buyuk afsonalaridan biri bo'lgan Toni Kroosga o'z minnatdorchiligini bildiradi", - deyiladi klub bayonotida.
Eslatib o‘tamiz, germaniyalik futbolchi 2014-yildan buyon madridliklar safida to‘p suradi. Bu davrda u barcha musobaqalarda 463 ta uchrashuvda ishtirok etgan. Bundan avval futbolchi "Bavariya" va "Bayer"da o'ynagan.
34 yoshli Kroos joriy mavsumda barcha turnirlarda 45 ta o‘yinda maydonga tushib, 1 ta gol urdi va 8 ta golli uzatmaga mualliflik qildi. Transfermarkt portalida berilgan ma'lumotlarga ko'ra, futbolchining narxi 12 million yevroni tashkil qiladi.
