Toshkent viloyatida eshkak eshish bazasi quriladi
Bu bo'yicha viloyat hokimi Zoir Mirzayev tegishli qarorni imzoladi.
Toshkent viloyati Chirchiq shahrida eshkak eshish bazasi quriladi. Ta’kidlanishicha, Chirchiq shahar, "Nur" mahallasida joylashgan Chirchiq Olimpiya va paralimpiya sport turlariga tayyorlash markazi tasarrufidagi qayiqlar suzish stansiyasining bo‘sh turgan yer maydoni davlat zaxira yer maydonlari tarkibiga qaytarildi. Mazkur manzilda eshkak eshish bazasi qurilishi belgilandi.
Bu haqda Toshkent viloyati hokimi Zoir Mirzayev tegishli qarorni imzoladi. Eshkak eshish bazasini qurish uchun 0,1123 gektar yer maydoni O‘zbekiston davlat Jismoniy tarbiya va sport universitetiga doimiy foydalanish huquqi bilan ajratib berildi.
