Xavi ishdan ketdi
"Barsa" murabbiyning ishdan bo'shatilganini rasman e’lon qildi.
"Barselona" matbuot xizmati joriy mavsum yakunidan boshlab Xavi Kataloniya klubi bosh murabbiyi lavozimidan bo‘shatilganini rasman e’lon qildi.
"Barselona" prezidenti Joan Laporta bugun Xavi Ernandesga 2024/2025-yilgi mavsumda asosiy jamoa murabbiyi sifatida ishlamasligini e’lon qildi. Bugun yig‘ilish bo‘lib o‘tdi, unda sport bo‘yicha vise-prezident Rafa Yuste va sport direktori Deko, shuningdek, Xavining yordamchilari Oskar Ernandes va Serxio Alegrelar ishtirok etishdi.
"Klub Xaviga futbolchi va jamoa sardori sifatidagi misli ko‘rilmagan karyerasini to‘ldiradigan murabbiylik faoliyati uchun minnatdorchilik bildiradi va unga omad tilaydi. "Barselona" yaqin kunlarda yangi tarkibni e’lon qiladi", - deyiladi klub rasmiy saytida.
